Б.Эрхэс хүү үнэмлэхүй амжилт үзүүлж нэгдүгээр байр эзлэв

Ази тивийн 14 хүртэлх насны багийн аварга шалгаруулах цомын тэмцээн энэ сарын 18-27-ны өдрүүдэд БНХАУ-ын Гуандун мужийн Шэньжэнь хотноо амжилттай болж өндөрлөлөө.

Уг тэмцээнд эх орноо төлөөлөн оролцсон А баг стандарт төрөлд 2-р байр, блиц төрөлд 3-р байр эзэлж багийн гишүүн ДШХДМ Б.Эрхэс 2-р ширээнд үнэмлэхүй амжилт үзүүлж 1-р байр, Х.Өлзийхишиг 5-р ширээнд 3-р байрт орсон байна.

Блиц тэмцээний шагналыг тус тэмцээний ерөнхий шүүгч, МШХ-ны тэргүүн дэд ерөнхийлөгч, ОУ-ын шүүгч Ц.Сайнбаяр гардуулж өглөө.