Казах курес бөхийн 2019 оны насанд хүрэгчдийн дэлхийн аварга шалгаруулах тэмцээн Казакстан улсын Актобе хотод өнгөрсөн долоо хоногт болж өнгөрөв. Тус тэмцээнд монгол улсын хөдөлмөрийн баатар гавьяат тамирчин Х.Цагаанбаатар ахлагчтай улсын начин Б.Серик, Ганын Түвшинжаргал, Б.Гаажадамба, Д.Бүхчулуун тэргүүтэй баг оролцлоо.

-55 кг-ийн жинд хүч үзсэн Эрч спорт хорооны Д. Бүхчулуун, -66 кг-д хүч үзсэн Хангарьд спорт хорооны тамирчин Б.Эрдэнэбаяр мөнгөн медаль нар мөнгөн медалиар энгэрээ мялаасан бол 90 кг-ийн жинд барилдсан Женко клубийн Э.Түмэннасан хүрэл медаль хүртэв.

Харин 60 кг-ийн жинд барилдсан Эрч спорт хороо Женко клубийн тамирчин Батцэрэнгийн Энэбиш алтан медаль хүртэж Казакстаны тэнгэрт төрийнхөө дууллыг эгшиглүүлэв. Мөн тус тэмцээний хамгийн шилдэг техниктэй тамирчнаар шалгарлаа.