Хакүхо өнөөдөр ялбал 43 дахиа түрүүлнэ

Кюүшюү башёгийн 13 дахь өдөр Дайшёохо маэгашира Ютакаямад барьцгүй түлхүүлэн,дэвжээнээс гарснаар гурван даваа,арван унаатай боллоо.Тамаваши өмнө нь тав давж,дөрөв унасан комүсүби Хокутофүжиг,Хакүхо нэг ялж,хоёр дийлдсэн комүсүби Абиг тус тус ошидашигаар давжээ.Тамаваши долоон даваа,зургаан унаатай,Хакүхо 12 даваа,нэг унаатай болсон юм.

Өнөөдөр Дайшёохо жюүрёогийн баруун жигүүрийн гурав дахь бөх,нутаг нэгт Чёошёома Г.Мөнхсайхантай,Тамаваши барууны комүсүби Эндотой,Хакүхо зүүний сэкивакэ Митакэумитэй барилдана.Хакүхо өрсөлдөгчөө давбал эзэн хааны цомыг 43 дахиа өргөх болзлоо нэг өдрийн өмнө хангана.