Хакүхо тавиас дээш хувийн амжилт үзүүлэв

Кюүшюү башёгийн ес дэх өдөр Дайшёохо Ч.Шижирбаяр баруун жигүүрийн маэгаширагийн арав дахь бөх Шёодайд ёрикиригээр ялагдан,хоёр даваа,долоон унаатай боллоо.Одоо тэрбээр нэг л унавал ирэх оны нэгдүгээр сарын тэмцээнд зиндаа доошилж,жюүрёод барилдах юм.Учир нь энэ тэмцээнд Дайшёохо баруун жигүүрийн маэгаширагийн 15-д эрэмбэлэгдсэн аж.Тамаваши Б.Мөнх-Оргил өмнө нь хоёр давж,19 унасан зүүний сэкивакэ Митакэумид ёрикиригээр дийлдсэн бол Хакүхо ёкозүна,барууны маэгаширагийн дөрөв дэх бөх Котоюүкиг хикиотошигоор өвдөглүүллээ.Тэд урьд нь гурвантаа таарахад ёкозүна бүгдэд нь ялжээ.Тамаваши дөрвөн даваа,таван унаатай,Хакүхо найман даваа,нэг унаатай болсон байна. Ёкозүна Хакүхо 11-р сарын тэмцээнийг хошуучилж,түүнээс нэг даваа дутуу маэгашира Кагаяки,комүсүби Асанояма нар нэхэж явна.Өнөөдөр Дайшёохо Шиманоумитэй,Тамаваши Дайэйшотой,Хакүхо Аойяматай таарав.Манай бөхчүүлийн учраанууд маэгашира цолтой юм.