Мессигүй “Барселон” Ла Лигийн улирлын эхний тоглолтод хожигдлоо

​Испанийн Ла Лигийн шинэ улирлын эхний тоглолтод “Барселон” Билбаод талбайн эзэн “Атлетик” багт 1:0-ээр хожигджээ. Ла Лигийн өнгөрсөн улирлын аварга “Барселон”-ы ахлагч Лионел Месси тус тоглолтыг өнжсөн аж. 

​Цорын ганц гоолыг “Атлетик”-ийн довтлогч Ариц Адурис 89 дахь минутад оруулжээ. Тоглолтын хоёрдугаар үед “Барселон”-ы шинэ тоглогчид болох Нидерландын хагасхамгаалагч Френки Де Йонг, Францын довтлогч Антуанн Гризманн нар сэлгээгээр гарч ирсэн байна.

​Ла Лигийн эхний тойрогт өнөөдөр Мадридын “Реал” “Селта”-тай, маргааш Мадридын “Атлетико” “Хетафе”-тай тус тус тоглоно.

Н.Түвшин