“Аякс”-ийн ахлагч 70 сая еврогоор “Ювентус”-т шилжинэ

Голландын “Аякс” багийн 19 настай ахлагч Матейс Де Лигт 70 сая еврогоор Италийн “Ювентус”-т шилжих болсон тухай “Sky Sports Italia” агентлаг мэдээллээ. Үүнээс гадна “Аякс” “Ювентус”-ээс 75 сая еврогийн нөхөн төлбөр авах аж.

Ирээдүйтэй хамгаалагч Матейс Де Лигтийг авахын төлөө “Ювентус”-тэй Испанийн “Барселон”, Английн “Манчестер Юнайтед” гээд Европын шилдэг багууд өрсөлджээ. Харин залуу хөлбөмбөгчин Италийн багийг сонгосон байна.

Өнгөрсөн улиралд Матейс Де Лигт “Аякс”-ийн багийн ахлагч болсон бөгөөд баг нь Аваргуудын лигийн хагас шигшээд хүрсэн билээ.

Н.Түвшин