Эрэгтэй шигшээ баг ДАШТ-ий шийдвэрлэх тоглолтоо өнөө орой хийнэ

Нидерландын Амстердам хотноо FIBA 3x3 сагсан бөмбөгийн ДАШТ гурав дахь өдрөө үргэлжилж байна.

Тэмцээнд дэлхийн шилдэг эрэгтэй, эмэгтэй тус бүр 20 улсын шигшээ баг оролцож буй уг тэмцээний эхний өдөр Монгол Улсын эрэгтэй шигшээ баг ОХУ-ыг 14:12 -оор, Эстонийн шигшээ багийг 20:17-оор илүүрхсэн юм.  Харин эмэгтэй шигшээ баг Румын болон Ираны шигшээ багтай хэсгийн тоглолтоо хийж ялагдал хүлээгээд байна.

Харин тэмцээний "B" хэсэгт  Орос, Украйн, Эстони, Пуэрто-Рикогийн багуудтай мөр зэрэгцэн тоглож буй Монголын эрэгтэй шигшээ баг өнөөдөр 16:20 цагаас Пуэрто-Рикогийн шигшээ багт 21:18 харьцаатай ялагдаж, хоёр хожил нэг хожигдол хүлээлээ. Тэд 19:50 цагаас Украйны шигшээ багтай хэсгийн сүүлийн тоглолтоо хийх бөгөөд хожвол хэсгээ тэргүүлэх боломжтой болно. Хэсэгт багтсан багууд тус бүр нэг хожигдолтой байгаа бөгөөд шийдвэрлэх тоглолтууд өрнөж байгаа юм. Эмэгтэй шигшээ багийн хувьд 17:15 цагаас Чехийн шигшээ,18:55 цагаас Испанийн шигшээ багтай тоглоно.