Шейн Лонг Английн Премьер лигийн түүхэн дэх хамгийн хурдан гоолыг оруулав

Английн Премьер лигийн 31 дэх тойргийн “Вотфорд”, “Саутхемтон” багуудын тоглолтод тус лигийн түүхэн дэх хамгийн хурдан гоол бүртгэгджээ. “Саутхемптон” багийн ирланд тоглогч Шейн Лонг тоглолт эхлээд дөнгөж долоон секунд өнгөрч байхад өрсөлдөгч багийн хаалганд бөмбөг оруулж дөнгөсөн байна.

Талбайн төвөөс тоглолтыг “Вотфорд” эхлүүлэхэд Шейн Лонг тус багийн тоглогчдын хоорондын дамжуулалтыг булаагаад хаалгачийнх нь эсрэг ганцаар гарч ирэн гоолджээ.

Үүнээс өмнөх хамгийн хурдан гоолыг 2000 оны арванхоёрдугаар сарын 9-нд “Тоттенхэм Хотспур” багийн Ледли Кинг оруулж байжээ. Тэрээр тоглолтын 10 дахь секундэд “Брэдфорд Сити” багийн хаалгыг мялаасан аж.

Б.Туг