Майли Сайрус, Лиам Хемсворт нар нууцаар хуримлажээ

26 настай поп дуучин Майли Сайрус өөрөөсөө хоёр ах жүжигчин Лиам Хемсворттой нууцаар хуримласан тухай оддын хосын дотны найз нь “Инстаграм” хуудсандаа мэдээлжээ. Уг нь тэр хоёрыг гэр бүлээ албан ёсоор батлах бодлоо орхисон гэх яриа гараад байсан аж.

Одоогоор Майли Сайрус ч, Лиам Хемсворт ч энэ талаар ямар нэг мэдээлэл өгөөгүй байна.

Тус хос анх 2009 онд танилцсан бөгөөд үүнээс гурван жилийн дараа сүй тавьснаа мэдэгджээ. Гэвч төдөлгүй гэр бүл бололгүй хагацсан аж. Харин 2016 онд Майли Сайрус, Лиам Хемсворт нар харилцаагаа сэргээж, дахин сүй тавьснаа зарлаж байжээ.

Б.Туг