Бейонсе Энэтхэгийн толгой баяны охины хуриманд ая дуугаа өргөжээ

Поп од Бейонсе “Reliance Industries” корпорацийн эзэн, (“Forbes” сэтгүүлийн мэдээллээр Энэтхэгийн толгой баян) тэрбумтан Мукеш Амбанийн охины хуриманд уригдан ая дуугаа өргөжээ. 27 настай Иши Амбани 33 настай бизнесийн магнат Ананд Пирамтай Удайпур хотод гэрлэсэн аж. 

Залуу хосод зориулсан бэсрэг концертод Бейонсе “Perfect”, “Crazy In Love” зэрэг хит дуунуудаа дуулжээ. Алдарт дуучны даашинзыг Энэтхэгийн хамгийн ууган, мөн хамгийн алдартай моодны брэнд “Jashan” зохион бүтээсэн байна. Харин түүний малгай, ээмэг зэрэг чимэглэлийг стилист Марни Сенофонте сонгожээ. 

Хур баян Мукеш Амбани охиныхоо хуриманд Бейонсег нэлээд их хэмжээний мөнгө төлж байж урьсан нь тодорхой ч энэ тухай мэдээллийг чандлан нууцалжээ.

Б.Туг