"Гоёл 2019" наадмын топ модель өнөөдөр тодорно

"Гоёл 2019" наадам өнөөдөр 18:00 цагаас Соёлын Төв Өргөөнд болно.

Энэ жилийн наадамд 80 орчим загвар өмсөгч оролцож, дизайнеруудын урласан шинэ брэндүүдийг тайзнаа амилуулах юм. Жил жилийн Гоёл наадмаас топ загвар өмсөгч тодордог. Өнөө орой болох "Гоёл 2019" наадамд топ модель Т.Туяамаа, О.Уянга, Э.Сэлэнгэ, О.Пүрэвдулам, Х.Бадамгэрэл, Г.Уранцэцэг, Ч.Ундрах нар оролцох аж. Өнгөрсөн жил загвар өмсөгч Туяацэцэгийн Халиунаа топоор тодорч байсан юм.