Эрт дээр үед баригдсан хэдий ч одоог хүртэл оршин тогтнож буй барилгууд гэхээр ихэнхи хүн Колизей, Египетийн пирамидууд эсвэл Пиза цамхагийн талаар боддог. Гэхдээ эдгээр барилгууд өдгөө бараг ашиглагддаггүй ба жуулчин татах үзүүлэн болсон байдаг. Харин гүүрний хувьд байдал өөр бололтой. Одоо дэлхий дээр олон зуун жилийн настай хэдий ч ашиглагдсаар байгаа олон гүүр байдаг. Хуучин гүүр байгалийн гамшиг, дайн, осол гэмтэл зэргийн золиос болж устдаг, эсвэл дахин шинэчлэгддэг бол энэхүү жагсаалтад буй гүүрнүүдийн хувьд анх байсан хэвэндээ байгаа гэдгээрээ онцлог.  

Pons Fabricius, Итали

Эртний Ромчууд он цагийн нөлөөллийг сөрөн зогсож чадах олон зүйлийг бүтээсэн байдаг. Тэдний барилга барих арга техник нь маш өндөр хөгжсөн байсан бөгөөд зарим нь өнөөг хүртэл бат бэх зогсож байгаа юм. Тэдний нэг нь Pons Fabricius гүүр юм. Уг гүүрийг МЭӨ 62 онд Лусиус Фабрисиус тухайн үедээ байсан модон гүүрний оронд барьсан байна. Гүүрний дөрвөн ч газар өөрийнхөө нэрийг сийлсэн байдаг.

МЭӨ 23 оны үерийн дараа Марксу Лоллиус болон Квинтус Аемилиус Лепидус хэмээх суурин төлөөлөгч нар МЭӨ 21 онд бага зэрэг өөрчлөлт хийсэн байна. Яг ямар өөрчлөлт гэдэг нь тодорхойгүй бөгөөд судлаачдын үзэж буйгаар нумарсан хийцийг нэмсэн байх магадлал өндөртэй юм. Энэ хэлбэр нь аливаа чулуун барилгыг маш бат бөх болгодог ба гүүрийг энэ олон жилийн турш оршин тогтносоор байгаа гол шалтгаан нь юм.

Ponte Vecchio, Итали

1345 онд баригдсан Ponte Vecchioгүүр Италийн Флоренцид байрладаг. Үер усанд тэсвэргүй модон гүүрний оронд барьсан энэ гүүр одоо хүртэл анх ямар байсан, түүгээрээ л байгаа. Гүүрний нэр нь “Хөгшин гүүр” гэж орчуулагддаг. Түүнчлэн дотроо дэлгүүр, мухлагууд байршуулах зориулалттай байгуулагдсан ба тэдгээрийг одоо хүртэл ашиглаж байгаа юм байна. Эдгээр мухлагийг загас, махны худалдаачид ашигладаг байсан бөгөөд гүнгийн тушаалаар үүнийг болиулж, зөвхөн алт, мөнгөний дархад ажилладаг болсон байдаг.

Дэлхийн 2-р дайны үеэр Герман цэргүүд Флоренцийг орхин зугтахдаа хотын бүх гүүрийг дэлбэлсэн байдаг ч ганцхан Ponte Vecchio-г үлдээсэн байна. Тэд гүүрийг бүхэлд нь сөнөөхийн оронд орж гарах гарцыг нь дэлбэлсэн аж.

Ponte Di Rialto, Итали

1591 онд байгуулагдсан уг гүүрний загварыг Антонио да Понте гаргасан ба тэрбээр Микеланжело болон Палладио нартай өрсөлдөхүйц чадварлаг дизайнер байсан юм. Харамсалтай нь уг гүүрийг баригдсаны дараа маш загварлаг бус, хэтэрхий хүнд нүсэр хэмээн шүүмжилж байжээ. Ийм төрлийн шүүмжийг Эйфелийн цамхагийг барьсаны дараа мөн өгч байсан юм. Доогуураа завь өнгөрөөх зориулалттай тул 7 м-ийн өндөртэй нумарсан арк, мөн дотор нь байх олон худалдааны цэгүүдийг аюулгүй байрлуулахын тулд маш бат бөх байх ёстой байсан тул нүсэр барих шаардлагатай байжээ.

Уг гүүр одоог хүртэл бат бөх оршин тогтносоор л байна. 

Khaju Bridge, Иран

Хуучин гүүрний суурийг ашиглан барьсан уг гүүрийг 1667 онд Шах Аббас II-ын тушаалаар байгуулсан юм. Zayandeh голын дээгүүр барьсан уг гүүр далан, ус зайлуулах гарц байдлаар ашиглагддаг байна. Түүнчлэн Шах Аббас II гүүрийг зөвхөн хэрэглээнээс гадна урлагийн бүтээл болгож, ард иргэдийн очих дуртай газар болгохыг зорьсон байдаг. Өдгөө хүмүүс гүүрийг чимсэн зураг, чимэглэлийн ажлуудыг харж баясах боломжтой. Гүүрний гол хэсэгт тусгай зориулалттай павильон байх бөгөөд тэндээ Шах голын ус харж суух дуртай байсан аж. Одоо тэр павильонд цайны газар ажилладаг юм байна.

Shaharah Bridge, Йемен

СЭТГЭГДЭЛ БИЧИХ