Мелания Трамп Египтийн пирамид үзжээ

АНУ-ын тэргүүн хатагтай Мелания Трамп Африк тивээр хийж байгаа айлчлалаа үргэлжлүүлэн, Египтэд хүрэлцэн иржээ.

Цагаан ордны тэргүүн Дональд Трампаас тусдаа, ганцаар гадаад айлчлалд мордсон Мелания Египтийн алдартай пирамид болоод Гиза дахь сфинксийн баримлыг үзэж сонирхсон байна.

48 настай тэргүүн хатагтай Мелания Трамп Египтийн эртний хотоор хийсэн аялалдаа зориулан эрэгтэй хэв маяг сонгожээ. Тэрээр малгай духдуулж, чөлөөтэй өргөн өмд өмсөн, дээгүүр нь Ralph Lauren хүрэм, мөн нарийн зангиа бүхий цагаан цамц, Chanel –ийн намхан өсгийтэй гуталтай төгс хослуулан өмсчээ.