Шүүгч Укагийн баг шилдэгээ "харуулна"

“Монгол HD” телевизээс зохион байгуулж буй “Voice” шоуны хоёрдугаар шат болох шилдэг 32 оролцогчийн тоглолт өнөөдөр /2018.04.28/ болно.

Ийнхүү шүүгч, дасгалжуулагч Укагийн багийн шилдэг оролцогчдын “Live show” эхлэх юм. Харин маргааш буюу энэ сарын 29-нд шүүгч, дасгалжуулагч дуучин Болдын багт шалгарч үлдсэн оролцогчдын шоу тоглолт болох юм.

Багийн найман оролцогч ээлжилж дуулах бөгөөд хоёр оролцогчыг шүүгч, дасгалжуулагч нь сонгох бол дахин хоёр оролцогчыг үзэгчдийн саналаар сонгох аж.

Үзэгчдээс хамгийн олон санал авч чадсан хоёр оролцогч дараагийн шатанд өрсөлдөх эрхтэй болох юм. Нэвтрүүлэг 19.30 цагт эхэлнэ.