"Ларьдма-2" удахгүй нээлтээ хийнэ

Үзэгчдийг байлдан дагуулж байсан "Ларьдма" киноны хоёрдугаар анги тун удахгүй нээлтээ хийх гэж байгаа ажээ. Тус киноны хоёрдугаар ангийн постер зураг олон нийтэд ил болжээ.

Энэхүү киноны хоёрдугаар ангийн зураг авалт энэ оны наймдугаар сараас эхэлсэн бөгөөд одоогоор өвлийн зураг авалтад бэлдэж байгаа гэнэ. Энэ талаар жүжигчин, топ модель Д.Пүрэвсүрэн өөрийн инстаграм хуудаснаа амьдрал гэх тайлбартайгаар киноны зураг авалтын зургуудийг нийтэлжээ.

Дашрамд дурдахад нийгмийн хамгийн сэтгэл эмзэглүүлсэн сэдэв болох эмэгтэйчүүдийн хүчирхийллийн эсрэг зоригтой дуугарсан 'Navchaa film' продакшны бүтээл 'Ларьдма' киноны нэгдүгээр анги 2013 оны тавдугаар сарын 5-ны өдөр нээлтээ хийж байсан юм.

Гол дүрүүдэд топ модель Д.Пүрэвсүрэн, жүжигчин Б.Навчаа нар тоглосон билээ.