Алисиа Викандер удахгүй хуримлана

“Дани охин” киноны туслах дүрээр “Оскар” гардсан жүжигчин Алисиа Викандерийг хүн бүр мэднэ. Холливудад эрэлттэй жүжигчдийн тоонд орж байгаа тэрбээр хувийн амьдралынхаа талаар тэр бүр ам нээдэггүй.

Жүжигчин Майкл Фассбендертэй үерхдэг гэсэн мэдээлэл байсан ч тэд хамтдаа явах нь цөөн байсан билээ. Тэгвэл жүжигчид удахгүй хуримаа хийхээр урилгаа тараажээ. 40 настай Майкл, 29 настай Алисиа нар хуримаа ч олноос тун нууцалж байгаа аж.

Тэд Ибиза аралд ёслолоо хийхээр төлөвлөж буйг Холливудын шар хэвлэлүүд олж мэдсэн байна. Алисиа, Майкл нар өнгөрсөн жил нэгэн том бүтээл дээр гэр бүлийн хосын дүрийг бүтээсэн билээ.