Мадонна хүүхдүүдийнхээ зургийг анх удаа олонд дэлгэв

Алдарт дуучин Мадонна энэ сарын 16-нд 59 нас хүрчээ. Тэрээр төрсөн өдрийн баяраа Италийн хойгт байрлах Лечче хотод хоёр өдрийн туршид зургаан хүүхдүүдийнхээ хамт тэмдэглэн өнгөрүүлсэн байна.

Мадонна нь 20 настай Лурдес, 17 настай Рокко, 11 настай Дэвид, Мерси болон 4 настай Стелла, Эстер гэсэн зургаан хүүхэдтэй.

Тэрбээр өчигдөр Инстаграм хуудаснаа анх удаа гэр бүлийнхээ зургийг нийтлэв.

Сануулахад, дуучин Мадоннагийн анхны охин Лурдесийн эцэг нь фитнес дасгалжуулагч Карлос Леон билээ. Харин хүү Роккогийн эцэг нь найруулагч Гай Ричи аж. Мадонна болон Гай Ричи нар салахаасаа өмнө Малавиас Дэвид хүүг үрчилж авч байжээ. Харин Мерси охиныг 2009 онд үрчилжээ.

Сүүлд энэ оны хоёрдугаар сард тэрээр Стелла болон Эстер хэмээх хоёр ихэр хүүхдийг Малавиас үрчилж авсан билээ.