iPhone 14 шинэ цувралыг танилцууллаа

Apple компани шинэ загваруудаа танилцууллаа. Энэ удаад mini загвараас татгалзаж iPhone14 Plus төрлийг нэмжээ. Үндсэн загварууд хэмжээний хувьд өмнөх хувилбартай адилхан ч бүгд зургаан цөмийн A15 чипээр тоноглогджээ. Өнгөний хувьд хар, цагаан, цэнхэр, үзмэн ягаан, улаан өнгийг санал болгож буй. Түргэн тусламжийн дугаарт автоматаар залгадаг тусгай мэдрэгч, сүлжээгүй газраас хиймэл дагуулаар дамжуулан тусламж дуудах үйлчилгээ нэмэгдсэн шинэ загварууд SIM карт хийх үүргүй болсоноороо онцлог. 

Шинэ загваруудад есдүгээр сарын 9-нөөс захиалгаа авч, есдүгээр сарын 16-нд худалдаалагдаж эхлэх юм. Гар утаснаас гадна тус компани Apple Watch Series 8, Apple Watch SE, Apple Watch Ultra ухаалаг цагнуудаа танилцууллаа. Мөн iOS 16 шинэ үйлдлийн системээ есдүгээр сарын 12-ноос идэвхжүүлнэ.