Шинэ сайд нар 11.00 цагаас тангараг өргөнө

УИХ-ын чуулган өчигдөр 23.30 цаг хүртэл хуралдаж, Л.Оюун-Эрдэнийн танхимд шинээр томилогдох сайд нартай танилцсан. Энэ үеэр хуучнаар үлдээж буй болон бүрэлдэхүүнд шинээр нэмэх сайдуудаа зарласан.

Танилцах хүрээнд УИХ-ын гишүүд асуулт асууж, хариулт авсны дараа шинэ сайд нар тангарах өргөдөг. Өчигдөр цаг орой болсон тул тангараг өргөх ёслолыг өнөөдрийн 11.00 цагт болгож хойшлуулсан юм.

Л.Оюун-Эрдэнийн танхимд шинээр нэмэгдэж, тангараг өргөх сайдуудад:

• ЗГХЭГ-ын дарга Д.Амарбаясгалан
• Эдийн засаг, хөгжлийн сайд Ч.Хүрэлбаатар
• ХХААХҮ-ийн сайд Х.Болорчулуун
• УУХҮ-ийн сайд Ж.Ганбаатар
• Цахим хөгжил, харилцаа холбооны сайд Н.Учрал
• Эрчим хүчний сайд Б.Чойжилсүрэн
• Хөдөлмөр, нийгмийн хамгааллын сайд Д.Сарангэрэл
• Зам тээврийн хөгжлийн сайд С.Бямбацогт
• Нийслэл Улаанбаатар хотын авто замын түгжрэлийг бууруулах Үндэсний хорооны дарга, сайд Ж.Сүхбаатар
• Олимп, нийтийн биеийн тамир, спортын Үндэсний хорооны дарга, сайд Б.Бат-Эрдэнэ нар нэрлэгдсэн.