Тайваньд айлчилснаа Н.Пелоси тайлбарлав

   АНУ-ын Конгрессын төлөөлөгчдийн танхимын дарга Нэнси Пелосигийн Тайваньд айлчилсны талаар "их шуугиан" үүсгэсний шалтгаан нь тэр, уг албан тушаалыг хашиж буй явдал юм. Энэ нь АНУ-ын засгийн газрын гурав дахь дээд албан тушаал аж. "АНУ-ын Конгрессын гишүүдийн  зарим нь энэ оны эхээр Тайваньд аялсан гэдгийг анхаарах нь чухал гэж би бодож байна. Тэд (Хятадын эрх баригчид) намайг ийм өндөр албан тушаал хашиж буй болохоор их шуугиан тарьсан биз" хэмээн тэр, Тайванийн ерөнхийлөгч Цай Инвэнтэй хийсэн хэвлэлийн бага хурал дээр мэдэгджээ. Мөн Конгрессын гишүүд өмнө нь Тайваньд очиж байсныг онцлон тэмдэглэсэн байна.               Наймдугаар сарын 3-ны өглөө Тайванийн ерөнхийлөгч Цай Инвэн АНУ-ын Конгрессын төлөөлөгчдийн танхимын даргатай уулзахдаа хоёр улсын харилцааг бэхжүүлэхэд оруулсан хувь нэмрийг нь үнэлж, "Өргөмжит үүлний одон"-гоор шагнав. БНХАУ заналхийлсэн ч Н.Пелоси наймдугаар сарын 2-нд Тайваньд очсон билээ.