Косовогийн асуудлаарх хэлэлцээрийг үргэлжлүүлэхийг Сербэд уриалав

       Европын холбооны гадаад бодлогын албаны дарга Жозеп Боррель, Сербийн удирдагч Александр Вучич, хүлээн зөвшөөрөгдөөгүй Косовогийн ерөнхий сайд Альбин Курти нарыг Брюссельд урьж, асуудлыг шийдвэрлэхийн тулд хэлэлцээрээ үргэлжлүүлэхийг уриаллаа. Түүний үзэж буйгаар Белград, Приштина хоёрын хооронд үүссэн бүс нутгийн хурцадмал байдал нь хэлэлцээрийн ширээний ард асуудлыг шийдвэрлэх дипломат аргуудаас татгалзсаны гор гэнэ. Серб, Косовогийн хил дээр долдугаар сарын 31-нд хурцадмал байдал гарч, Косовогийн хойд бүс нутгуудад агаарын дайралт хийх дохио ирсэн юм. Түүнчлэн сербүүд Звекан хотоос холгүй орших Приштина-Лепосавич хурдны зам дээр Русаде хотод хаалт барьж эхэлсэн байна. Мөн хилийн бүсэд буун дуу сонсогдсон аж.