Ш.Абэ агсанг Хризантемийн дээд одонгоор шагнана

       "Буудуулж амиа алдсан Японы ерөнхий сайд асан Шинзо Абэг Японы төрийн дээд шагнал болох Хризантемийн дээд одонгоор шагнана" гэж Киодо агентлаг өчигдөр мэдээлэв. Даваа гарагт болсон тус улсын сайд нарын танхимын хуралдаанаас уг шийдвэрийг гаргажээ. Талийгаачийг гинжин хэлхээтэй Хризантемийн дээд одонгоор шагнах аж. Японд эл одонгийн энэ хувилбараар гадаадын төрийн тэргүүнүүдийг эс тооцвол зөвхөн нас барсны дараа л шагнадаг юм.