ӨАБНУ-д шатахууны үнэ түүхэн дээд амжилт тогтоов

      Тус улсын засгийн газар даваа гарагт үндэсний шатахуун түгээх станцуудад дизель түлш, шатахууны үнийг долдугаар сарын 6-наас нэмж буйгаа зарлав. Ингэснээр тэдгээрийн үнэ түүхэн дээд амжилт тогтоож буй гэнэ. Харин Эрдэс баялаг, эрчим хүчний сайд Гведе Манташе "Бид үнээ тохируулсан" хэмээн мэдэгдсэн ба АИ-93-ын үнийг 2,37 ранд, АИ-95-ынхыг 2,57, дизель түлшийг 2,3 рандаар тус тус нэмж байгаа аж. Үүний үр дүнд эл орны түүхэнд анх удаа нэг литр шатахууны үнэ 25 ранд (1,22 ам.доллар) давжээ.