Хойд Солонгост COVID-19 дэгдсэн байж болзошгүй шалтгааныг олжээ

               Уг шалтгааныг Хойд Солонгосын цэрэг, хүүхэд хоёр Өмнөд Солонгостой хиллэдэг хил дээр "гаднын" биеттэй харьцсан явдал гэж Пхеньян үзэж байна. Энэ тухай Солонгосын төв мэдээллийн агентлагаас эшлэн Ройтерс агентлаг мэдээлэв. Тус агентлагийн мэдээлсэнчлэн өнгөрсөн дөрөвдүгээр сарын эхээр 18 настай цэрэг, таван настай хүүхэд хоёр Ипхо-ри дахь хуаран болон суурьшлын бүсийн ойролцоох толгод дээр "гаднын" биеттэй харьцсан гэнэ.            Өмнө нь Associated Press агентлагийн мэдээлснээр Умард Солонгост сар гаруйхны өмнө коронавирус дэгдсэнийг албан ёсоор зарласан ч БНАСАУ COVID-19-ийг ялахаар бэлтгэлээ аль хэдийнэ базааж эхэлжээ. Ямартай ч халдварын тоо эрс буурч буй тоон үзүүлэлт гарч буй аж.