Коронавирусээр нас барагчдын тоо өслөө

    Өнгөрсөн долоо хоногт 3,2 сая гаруй хүн коронавирусээр халдварлаж, 8,000-аад хүн нас баржээ. ДЭМБ "Нас барагсдын тоо дөрвөн хувиар өсөж, халдварласан тохиолдлын тоо өмнөх долоо хоногтой харьцуулахад ижил түвшинд байна" гэж лхагва гарагт мэдэгдлээ. Тус байгууллагын долоо хоног тутмын эмхтгэлдээ тэмдэглэснээр, "Таван долоо хоног буурсан нас баралтын тоо зургадугаар сарын 6-12-ны хооронд дахин өссөн" аж. Өнгөрсөн долоо хоногт 3,250,433 хүн уг өвчнөөр халдварлаж, 8,737 хүн нас барсан байна.