Хойд Солонгост "халуурсан" тохиолдол 3,17 сая давав

  БНАСАУ-д өдөрт өндөр халуурсан 105 мянга орчим өвчтөн бүртгэгдэж, нийтдээ 3,17 сая гаруй хүн өвдсөн тухай Хойд Солонгосын Цахилгаан  мэдээний төв агентлаг мэдээллээ. Тус агентлагийн мэдээнд "Онцгой байдлын ерөнхий газраас ирүүлсэн мэдээллийн дагуу тавдугаар сарын 24-ний 18:00 цагаас 25-ны 18:00 цаг хүртэл халууралтын 105,500 тохиолдлыг шинээр бүртгэлээ. Энэ нь өмнөх өдрийнхөөс 10,470-аар буурсан тохиолдол юм" хэмээн дурджээ. Дээрх хугацаанд "халуурагчид"-аас нэг ч хүн нас барсан тохиолдол бүртгэгдээгүйг онцолсон аж.