Украинд Франц зэвсэг нийлүүлсээр байна

          Францын ерөнхийлөгч Эммануэль Макрон "Украинд зэвсэг үргэлжлүүлж нийлүүлнэ" хэмээн мэдэгдлээ. "Онгоц, танк нийлүүлэх нь биднийг дайсагнагч болгоно. Энэ бол давж болшгүй хил. Мөргөлдөөнд оролцохгүйгээр хамгаалалтын зэвсгээр хангах явдал юм" гэж тэр хэлэв. Францын ерөнхийлөгч өмнө нь Украины хямралын мөргөлдөөнд оролцох хүсэлгүйгээ мэдэгдсэн юм. Мөн "Бид хэзээ ч энэ мөргөлдөөний тал болохгүй. Европчууд дайсагналцахгүйгээр зогсоохын тулд бүхнийг хийнэ" гэж нэмж хэлэв. Э.Макрон Украинд гал зогсооход хүрэхийн тулд ОХУ-ын ерөнхийлөгч Владимир Путинтэй "хэрэгтэй болтол" яриа хэлэлцээгээ үргэлжлүүлэхэд бэлэн гэнэ.