Москва Киевтэй хэлэлцээ хийхэд бэлэн байна

  ОХУ-ын ерөнхийлөгч Владимир Путин Украины төвийг сахисан байдлын асуудлаарх хэлэлцээнд төлөөлөгчдөө илгээхэд  бэлэн байгаагаа илэрхийлэв. "Уулзалт Минскт болж магадгүй" хэмээн Кремлийн хэвлэлийн төлөөлөгч Дмитрий Песков мэдэгдлээ. "Төлөөлөгчдийн бүрэлдэхүүнд БХЯ, ГХЯ,  ЕТГ-ын төлөөллүүд багтана" гэж мэдэгдсэн ОХУ-ын удирдагчийн хэвлэл мэдээллийн албаны нарийн бичгийн даргын хэлснээр Беларусийн ерөнхийлөгч Александр Лукашенко хэлэлцээ хийхэд шаардлагатай нөхцөлийг бүрдүүлж, оролцогчдын аюулгүй байдлыг ханган баталгаажуулахаа амласан гэнэ.