Германд ерөнхийлөгчийн сонгууль болно

      "Шинэ ерөнхийлөгчийг сонгохоор Германы Холбооны ассамблей хуралдана" гэж хоёрдугаар сарын 13-ны ням гарагт Бундестагийн цахим хуудсанд мэдээлжээ. Сонгуульд экс канцлер Ангела Меркель очвол энэ нь канцлерийн бүрэн эрхийн хугацаа нь дууссаны дараа оролцож буй олон нийтийн анхны арга хэмжээ нь болох аж. Мужууд ч ассамблейд алдартнуудыг илгээжээ. Тухайлбал, сансрын нисэгч Александр Герст, вирус судлаач Кристиан Дростен, хөлбөмбөгийн шигшээ багийнхан, дуучид, жүжигчид гээд л...                    Одоогийн ерөнхийлөгч Франк-Вальтер Штайнмайер 2021 оны тавдугаар сарын 28-нд шинэ бүрэн эрхийн хугацаанд ерөнхийлөгчийн сонгуульд нэр дэвших хүсэлтэйгээ мэдэгдэв. Түүний шийдвэрийг Социал демократ нам дэмжсэн бол Чөлөөт ардчилсан нам, ФДН, Ногоон нам, CDU/CSU нам мөн дэмжихээ илэрхийлсэн байна. Ийнхүү Ф.Штайнмайер Германы Холбооны Ассамблейг бүрдүүлдэг хоёр танхим болох Бундестаг, Бундесрат дахь олонхын дэмжлэгийг хугацаанаас нь өмнө авав.