Пентагоны цэргүүдээ Европ руу илгээнэ

        "АНУ-ын нутаг дэвсгэр дэх 8,500 орчим цэргээ Европ руу илгээхээр өндөржүүлсэн бэлэн байдалд Пентагон оруулсан ч тэднийг байршуулах талаар ямар нэг шийдвэр хараахан гараагүй байна" гэж Батлан хамгаалах яамны хэвлэлийн төлөөлөгч Жон Кирби мэдээлэв. Тэрээр "Батлан хамгаалахын сайд Ллойд Остин АНУ даяар цэргийн хэд хэдэн анги нэгтгэлийг байршуулахаар өндөржүүлэх бэлэн байдалд орууллаа. Нийт 8,500 цэрэг. Гэхдээ тэднийг байршуулах шийдвэр гараагүй" хэмээн тэрээр сэтгүүлчдэд хэллээ. Мөн АНУ-аас гадуур байрлаж буй анги нэгтгэлүүдийн бэлэн байдлыг нэмэгдүүлэх шийдвэр гаргасныг онцолжээ.