Францын өмнөд нутгаас коронавирусийн шинэ штамм илрүүлжээ

Марсель хотоос коронавирусийн шинэ төрлийн штамм илрүүллээ гэж Австрийн “Neute”  сонинд бичсэн байна.

Африкийн Камерун улсаас Францад буцаж ирсэн жуулчнаас үл мэдэх хувилбар илэрснийг мэдээнд дурджээ. Энэ жуулчин 12 хүнд халдвар тараасан хэмээн нотлож байна.

“Өвчин тараагч штамм чухамхүү тэнд илэрсэн байж болох юм гэсэн дүгнэлтийг мэргэжилтнүүд хийлээ. Шинжилгээ хийснээр  халдвар авсан хүмүүсээс олон мутаци илэрсэн байна” гэж сонинд бичжээ.

В.1.640.2 гэсэн нэртэй болсон шинэ хувилбараас “46 мутаци” илрүүлсэн тухай францын судлаачдын мэдээллийг сонины өгүүлэлд бас иш татан дурдсан байна.

Уг штамм аль хэр халдвартайг эрдэмтэд хараахан мэдэхгүй байгааг онцлон тэмдэглэжээ.

Б.Атар