Олимпод оролцох АНУ-ын албаны хүмүүсийн визний хүсэлтийг БНХАУ хүлээн авчээ

         "АНУ-ын эрх баригчид өмнө нь зарласан дипломат бойкотыг үл харгалзан Бээжингийн өвлийн олимпод оролцох гэж буй зарим албан тушаалтанд виз олгох хүсэлтийг илгээсэн" хэмээн БНХАУ-ын ГХЯ-ны хэвлэлийн төлөөлөгч Жао Лицян даваа гарагт мэдэгдэв. "Бид албан тушаалтнуудад нь виз олгох өргөдлийг АНУ-ын талаас хүлээн авлаа" гэж хэвлэлийн бага хурал дээр мэдэгдсэн тэрээр "АНУ-ын засгийн газрын төлөөлөгчтэй холбоотой энэхүү өргөдлийн хариуд бид олон улсын дүрэм журмын дагуу ажиллана. Хятад улс энэ асуудлыг харилцан ойлголцлын үндсэн дээр авч үзэх болно" гэж өгүүлжээ.