«Листвяжная» уурхайд 57 хүн амь насаа алджээ

   “Листвяжная” уурхайд ажиллаж байсан 57 уурхайчин болон аврагч хүчилтөрөгч дутагдаж, хорт хий хэт их хуримтлагдсанаас болоод амь  үрэгджээ.  Кемерово мужийн уулын цэрэгжүүлсэн аврах отрядын захирагч Юрий Ше сэтгүүлчдэд ингэж мэдээлснийг ТАСС агентлаг уламжилсан байна. “Осол болсон хэсэгт одоо бий болоод байгаа хорт хийн ийм нөхцөл байдалд хэн нэгэн хүн амьд гарч болох тухай ярих  аргагүй юм гэж аврагч хэлжээ. Арьсаар дамжин нэвчдэг нүүрстөрөгчийн исэлд хүмүүс хордсоныг тэр тодруулан тайлбарласан байна.