Болгарт ерөнхийлөгчийн болон парламентын сонгууль боллоо

   Ерөнхийлөгчийн сонгууль болон парламентын ээлжит бус сонгуулийн санал хураалт ням гарагт Болгарт болж өнгөрөв. Орон нутгийн цагаар 20:00 цагт тус улсад санал авах 13 мянга гаруй байр хаагдаж, сонгуулийн хороод санал тоолж эхэлжээ. Орой саналаа өгөх хүсэлтэй иргэдийн дараалал үүссэн хэсгийн хороод ажиллах хугацаагаа нэг цагаар сунгасан аж. Сонгуулийн ерөнхий хорооны мэдээлснээр, 16:00 цагийн байдлаар сонгогчдын ирц 25,72 хувьтай, 1,7 сая орчим хүн санал хураалтад оролцсон нь өмнөхөөсөө доогуур үзүүлэлт гэж шинжээчид үзэж буй агаад сонгуулийн явцад ноцтой зөрчил гараагүй байна.