АНУ-д үнийн өсөлт дээд амжилт тогтоолоо

Тус улсад үнийн өсөлт огцом хурдсан, 1990 оноос хойших оргилд хүрчээ. "Bloomberg" агентлагийн мэдээлснээр, хэрэглээний үнэ жилийн дүнгээр аравдугаар сард өмнөх сарын 5,4 хувиас 6,2 хувь болж, огцом хурдтай өссөн аж. Хэрэглээний үнийн индекс есдүгээр сартай харьцуулахад 0,9 хувиар өссөн нь сүүлийн дөрвөн сарын хувьд хамгийн их өсөлт болсон байна. Түүнчлэн эл агентлагийн онцолсноор, хоёр үзүүлэлт шинжээчдийн таамаглалаас давав. Мэргэжилтнүүд аравдугаар сард жилийн инфляцийг 0,6 хувиар өсч, 5,8 хувь болно гэж таамаглаж байлаа.