Суданы ерөнхий сайд гэрийн хорионд байсан хэвээр

  НҮБ-ын ерөнхий нарийн бичгийн даргын тусгай элч Волкер Первес армийн тараасан Суданы засгийн газрын тэргүүн Абдалла Хамдуктай өчигдөр уулзжээ. "Хамдук өмнө нь засгийн эрхийг булааж авсан цэргүүдэд баривчлагдсан ч дараа нь гэртээ суллагдсан" гэж НҮБ-ын ерөнхий нарийн бичгийн даргын хэвлэлийн төлөөлөгч Стефан Дюжаррик хэвлэлийн бага хурлын үеэр мэдэгдлээ. "Бидний ойлгож байгаагаар Суданы ерөнхий сайд гэрийн хорионд байгаа ч түүнтэй Первес уулзаж чадсан" гэж ярьсан тэрээр уулзалтын талаар тодорхой мэдээлэл өгсөнгүй. Мөн НҮБ-ын төлөөлөгч Судан дахь дэлхийн байгууллагын агентлагуудын ажилд ямар нэг өөрчлөлт ороогүйг дурдаад "Аль ч тал бидэнд өөрчлөлтийн талаар мэдэгдээгүй. Ажил үргэлжилж байна" гэж онцлов.