Ромын папад Л.Мессигийн гарын үсэгтэй футболк бэлэглэжээ

   Ромын пап Франциск "Пари Сен-Жермен" багийн аргентин довтлогч Лионель Мессигийн гарын үсэгтэй футболк бэлгэнд авсандаа талархал илэрхийлжээ. "Агуу хайраар" гэсэн бичигтэй уг футболкыг Ватикан улсад албан ёсны айлчлал хийж буй Францын ерөнхий сайд Жан Кастекс Ромын папад бэлэглэсэн аж. Франциск "Хүндэт дүү минь, чиний илгээсэн футболк сэтгэлээ зориулж, энгийн байсанд талархъя. Тууштай байсанд тань баярлалаа. Үргэлж ийм байгаарай. Бурхан чамайг ивээг. Чи надад ямагт найдаж болно. Чамайг ихэмсэг бус байгаад баяртай байна" гэж хэлсэн байна.