Голланд гэдэг нэр албан ёсоор байхгүй болж байна

“Голланд” гэсэн нэр Нидерланд гэдэг үгийг илэрхийлэхээ албан ёсоор больжээ. Эндхийн NOS радпиостанц ингэж мэдээлсэн байна.

2020 оны нэгдүгээр сарын 1-нээс тус орон “Голланд” гэдэг нэрийг хэрэглэхээс татгалзахаар шийдвэрлэжээ. Хувийн компани, элчин сайдын яам, яам, тусгай газар, ерөнхий боловсролын сургууль болон их сургуулиуд  тус орны имиджийг өөрчлөхийн тулд зөвхөн албан ёсны нэрийг хэрэглэнэ.  Ийм  шинэтгэл хийхэд төрөөс 200 мянган евро (манайхаар бол - 613 сая гаруй төгрөг)  гаргажээ.

Нидерланд улс өөрийгөө Голланд гэж нэрлэхээс татгалзаж байгаа  тухай өнгөрсөн жилийн аравдугаар сард мэдээлж байсан юм.  Голланд гэдэг нэр гадаадын жуулчдад  мансууруулах бодис, Улаан дэнлүүний хороолол (биеэ үнэлэх явдал байнга гардаг хотын дүүрэг) хэмээн төсөөлөгддөг гэж эрх баригчид үзжээ.  2020 онд Токиогийн олимпийн наадам болон “Евровидение-2020” арга хэмжээний үеэр “Нидерланд” гэдэг нэрийг идэвхитэй хэрэглэхийг санал болгосон байна.

Б.Атар