Леонардо ди Каприо Сибирийн түймэрт анхаарал хандуулахыг уриалжээ

 Холливудын алдарт жүжигчин Леонардо Ди Каприо33 сая дагагчтай “Instagram” хуудсандаа Сибирийн түймэрт анхаарал хандуулахыг уриалжээ.

Тэрээр, “Сибирь дахь түймэр сансраас харагдах боллоо. Сибирь, Аляск, Гринланд дахь түймэр ганцхан сарын дотор Швед улсын жилд боловсруулдаг нүүрс хүчлийг үүсгээд байгаа тухай Дэлхийн ус, цаг уурын байгууллага мэдээлж байна” гэжээ.

Манай хойд хөршийн Красноярксийн хязгаар, Эрхүү муж, Буриад, Якутад 1.1 сая га газрын ойд түймэр гарсан билээ. Харин сүүлийн гурван хоногт Оросын зэвсэгт хүчний “Ил-76” онгоцууд болон “Ми-8” нисдэг тэргүүд 3586 тонн ус асгаж 450 мянган га газрын түймрийг унтраагаад буй тухай “ТАСС” агенлаг мэдээлж байна.

Н.Түвшин