The MongolZ шигшээ шатны эрхийн төлөө өнөөдөр Falcons-той тоглоно

#CS2 Бразилын FURIA-г хожиж 2-2 амжилттай боллоо.

$1,250,000 (4.37 тэрбум төгрөг) шагналын сантай CS2-ын "PGL Bucharest 2025" тэмцээн Румын Улсын нийслэл Бухарест хотод үргэлжилж байна.

Valve дэлхийн чансаанд эзэлж буй байраар уригдсан Монголын "The MongolZ" баг өнгөрсөн шөнө хасагдах шатанд Бразилын "FURIA" багийг 2-0 (Mirage 13-9, Nuke 13-11) харьцаагаар хожлоо.

Тоглолтын эхний Mirage талбарт Банзрагчийн "910" Өсөхбаяр 85.5 ADR, 1.4 Rating-тэйгээр багаа тэргүүлсэн бол бол сүүлийн Nuke талбарт Батболдын "mzinho" Аюуш 104.0 ADR, 1.69 Rating-тэй бусдыгаа хошуучилжээ.

Хоёр баг хамгийн сүүлд "Esports World Cup 2024" тэмцээний үеэр таарч Габриел "FalleN" Толеду ахлагчтай баг хожиж байв.

• The MongolZ хоёр тэмцээн дараалан Team Liquid-ийг хожлоо
• The MongolZ "PGL Bucharest 2025" тэмцээний эхний тоглолтоо 3DMAX-тай хийн
• Г.Есөнтөмөр: Бид Spirit-ээс "map" салгаж, Falcons-ыг хожих боломжтой байсан

Ийнхүү хоёр хожил, хоёр хожигдолтой болсон The MongolZ өнөөдөр 21:00 цагаас шигшээ шатны эрхийн төлөө "Team Falcons"-той тоглохоор болов.

Баянбатын "maaRaa" Эрдэнэдалайгийн удирдсан залуус Falcons-ын гол цөмийг бүрдүүлж буй тоглогчидтой HEROIC багт байхад нь "Perfect World Shanghai Major 2024" тэмцээний үеэр тоглож 2-1 харьцаагаар хожиж байв