А.Отгонбаатар Төрийн ордныг тойрч, гороолж сунаж мөргөлөө

Үнэн ба зөв намын дарга А.Отгонбаатар өнөөдөр /2022.05.06/ Төрийн ордныг гороолон мөргөж, Үндсэн хуульд өөрчлөлт оруулах хүсэлтэй байгаагаа илэрхийллээ. 

Тэрбээр "Үндсэн хуульд өөрчлөлт оруулж, УИХ-ын гишүүний халдашгүй байдал, хангамжийг байхгүй болгоод парламентын гишүүний тоог 200 болгох санаачилга гаргаж байгаа юм. Халдашгүй байдал хангамжгүй болохоор УИХ-ын гишүүн жирийн иргэнтэй ижил болно. Би АН, МАН-д элсээд цүнх барьж байгаад дээшээ гараад ирж чадна. Ингэхийг хүсэхгүй байгаа тул залуус орж болдог шинэ үзэл санаатай нам байгуулаад явж байгаа юм. Өнөөдөр намайг Төрийн ордныг гороолж мөргөлөө гээд харааж, шоолж байвал маргааш энэ төрийг Н.Энхбаярын хүү, Ц.Нямдоржийн хүү л удирдана" гэв.