Элвис Преслигийн гитар 1.32 сая ам.доллараар зарагджээ

Домогт дуучин Элвис Преслигийн гитар 1.32 сая ам.доллараар зарагдсан бөгөөд худалдан авагч нэрээ нууцлахыг хүссэн байна. Ийнхүү уг гитар урьд нь дуудлага худалдаагаар зарагдсан гитаруудаас хамгийн үнэтэйд тооцогдож буй юм.

1942 онд үйлдвэрлэгдсэн “Martin D-18 Sun Session” гитарыг Элвис Пресли 1954 онд Мемфисийн нэгэн хөгжмийн дэлгүүрээс худалдан авч байжээ. Тэрээр худалдаж авсныхаа дараа хоёр жилийн турш гитараа тоглож “That's All Right (Mama)”, “Blue Moon of Kentucky”,”Good Rockin' Tonight” зэрэг хит дуугаа зохиосон аж.