Цахим спортын “Reality Rift” баг сэлгээ хийжээ

Цахим спортын “OMEGA League” тэмцээний Азийн бүсийн Divine шатанд өрсөлдөх “Reality Rift” баг “Fnatic”, “Mineski”, “LGD Gaming” тэргүүтэй шилдэг багт тоглож байсан "AhJit" нэрээр тоглодог Lai Jay Son (Малайз) хэмээх тоглогчийг багтаа элсүүлжээ. Ингэхдээ түүнийг үндсэн гишүүнээр аваагүй бөгөөд хуучин тоглогч “drew”-ийн оронд “OMEGA League” тэмцээнд турших журмаар тоглуулах аж.

Дашрамд дуулгахад, тус багийн бүрэлдэхүүнд монгол тоглогч “Hustla” буюу Р.Нармандах тоглодог билээ. Түүнчлэн "AlaCrity" Vincent Hiew Teck Yoong, "kYxY" Lee Kong Yang(Малайз), "NutZ" Wong Jeng Yih(Сингапур), "Soplec" Oleg Dragun(Беларусь) нар тоглодог.