Дэлхий даяар халдвар авагсдын тоо 17.4 саяд хүрлээ

Энэтхэг улсад нэг өдөрт коронавируст халдварын 54,966 шинэ тохиолдол илэрснээр нийт халдварын тохиолдол 1,6 сая боллоо. Тус улсад нэг өдөрт хамгийн олон шинэ тохиолдол илэрсэн өдөр болсон ба нас барагсдын тоо 35,7 мянга болоод байна.

Харин дэлхий даяар нэг өдөрт 273,936 шинэ тохиолдол илэрч, 5959 хүн нас барснаар нийт халдвар авагсдын тоо 17,4 сая, нас барагсдын тоо 675 мянга болжээ. Одоогоор нийт 10,9 сая хүн эдгэрсний 2,2 сая нь АНУ-д 1,8 сая нь Бразил улсад байна. Иран улс дахь халдварын тохиолдол 300 мянга давсан бол Индонез улсад нас барагсдын тоо 5000 хүрчээ.

Нэг өдөрт халдварын хамгийн олон шинэ тохиолдол илэрсэн улсууд:

1. АНУ - 66,354
2. Бразил - 58,271
3. Энэтхэг - 54,966
4. Өмнөд Африк - 11,046
5. Колумби - 9965