Алдарт "BTS" хамтлагийн түүхийг харуулсан кино "мэндэлнэ"

Өмнөд Солонгосын алдарт "BTS" хамтлагийн түүхийг харуулсан "Blue Sky" буюу "Цэнхэр тэнгэр" нэртэй олон ангит киног гаргах гэж буйгаа мэдээллээ. Тус киноны найруулагч, продакшны ажилтнууд уулзалджээ.  

"Цэнхэр тэнгэр" кино нь "BTS"-ийн гишүүдийн амьдралаас урам зориг авах зорилгоор хийгдэж байгаа бөгөөд сургуульд байхаас нь эхлэн хамтлагийг бүрдүүлж, дебют хийж, одоогийн өндөрлөгт хүрсэн талаар нь дүрслэн харуулах ажээ. Ерөнхий зохиол нь "BTS"-ийн түүхийг багтаах боловч хамтлагийн гишүүд тус кинонд тоглохгүй юм. Тиймээс дүрийн нэр өөрчлөгдөж, үзэгчид кинонд өгүүлж буй түүхийг гишүүдийн хэн нь болохыг таах юм байна. 

Уг киноны зураг авалт энэ оны есдүгээр сараас эхлэх төлөвлөгөөтэй байгаа ажээ.