“Формула 1” уралдаан зургаадугаар сард эхэлнэ

“Формула 1” уралдааны дэлхийн аварга шалгаруулах тэмцээн ирэх зургаадугаар сард эхлэхээр болжээ. Цар тахлын улмаас энэ удаагийн тэмцээн үзэгчгүйгээр явагдах аж. 

Тус тэмцээн нь зургаадугаар сарын 5-нд эхлэх бөгөөд Австрид хоёр үе шаттайгаар явагдах аж. Тэмцээний эхний шат долоодугаар сарын 5-нд явагдах бол хоёрдугаар шат долоодугаар сарын 8-9-нд болох аж. Үүний дараа Их Британид мөн хоёр үе шаттайгаар явагдах юм байна.

Өмнө нь Австрали, Монако, Францад болох ёстой байсан Гран-при тэмцээн цуцлагдсан бол Бахрейн, Вьетнам, Канад, Хятад, Нидерланд, Испани, Азербайжан, Канадад болох ёстой байсан тэмцээнүүд мөн тодорхойгүй хугацаагаар хойшлогдсон байна.