"ЭТТ 1,072 хувьцааны ногдол ашиг тараахад бэлэн"

“Эрдэнэс-Тавантолгой” ХК ээлжит мэдээллээ хийлээ.

"“Эрдэнэс-Тавантолгой” ХК-ийн хувьд ногдол ашиг тараах ажлаа бүрэн хангасан. Нийт хоёр сая 512 мянган хүн 1,072 хувьцааг эзэмшдэг. Үүнээс 1.6 сая иргэн хувьцааны дансаа нээлгэсэн байна.

Харин эдгээр нээлгэсэн иргэнээс 425 мянга нь дансаа нээлгэхдээ банкны дансаа мэдүүлэн, шалгаж баталгаажуулсан. Эдгээр иргэдэд ногдол ашгийг нь "Эрдэнэс-Тавантолгой" ХК шилжүүлэхэд бэлэн ба өнөөдөр ч шилжүүлэхэд бэлэн. 

Харин үлдсэн хүмүүс нь буюу дансаа баталгаажуулаагүй иргэд хувьцааны данс нээлгэсэн брокерийн компанитайгаа холбогдон банкны дансаа нэмж мэдүүлэх, идэвхгүй болсон эсэхийг нь шалгах шаардлагатай" гэдгийг мэдээллийн эхэнд онцоллоо.