2020 оны эхний өдөр улсын хэмжээнд 186 хүүхэд мэндэлжээ

2019 оны арванхоёрдугаар сарын 31, 2020 оны нэгдүгээр сарын 1-ний өдөр улсын хэмжээнд 452 эх амаржиж, 452 хүүхэд мэндэлжээ.

Үүнээс 2020 оны эхний өдөр 185 эх амаржиж, 186 хүүхэд мэндэлсэн байна.

Энэ хугацаанд эмнэлгийн түргэн тусламжийн нийт 4,491 дуудлага бүртгэгдэж, Хүлээн авах, яаралтай тусламжийн тасгаар 9,945 иргэн үйлчлүүлжээ. Тэднээс 69 хүн яаралтай мэс заслын тусламж үйлчилгээ авсан ба осол гэмтэл, хордлогын шалтгаант 104 тохиолдол байна.

Тус тасгаар өнгөрсөн оны арванхоёрдугаар сарын сүүлчийн өдөр болон 2020 оны эхний өдөр нийт 11,570 хүүхэд үйлчлүүлснээс 3,104 нь эмнэлэгт хэвтжээ. Нийт үйлчлүүлсэн хүүхдүүдийн 89 хувь нь томуу, томуу төст өвчний улмаас хандсан аж.

Харин насанд хүрэгчдийн дуудлагыг харвал архины хордлогын 331, хоолны хордлогын 15 тохиолдол тус тус бүртгэгдэж, эмнэлгийн тусламж үйлчилгээ авсан байна.