Жуулчид зочид буудлаас ямар санаандгүй хачин зүйл хулгайлдаг гээч

Жуулчид зочид буудлын өрөөнөөс ямар хачин эд зүйлс хулгайлж байсан тухай буудлын ажилтнууд ярьжээ. Зочид буудлын “Wellness Heaven” хөтөч компаниас явуулсан санал асуулга үүнийг гэрчилж байна.
Тухайлбал, нэг жуулчин Берлиний  зочид буудлын өрөөнөөс шүршүүр, усан массажны төхөөрөг, суултуур, усны хоолой, тосгуур зэрэг бүх сантехникийн хэрэгсэл аваад арилжээ.  Өөр нэг зочин  германы Зауэрланд хотын нөхөн сэргээх төвийн бүхэл бүтэн стеоросистемийг задлаад авч явсны гадна, Мальдив арлын нэг зочид буудлын удирдлага хулгай зэлгээнээс болоод  цэцгийн хэд хэдэн  баглааг долоо хоногт хэд хэдэн удаа худалдан авахад хүрч байсан байна.
“Нэг удаа  би буудлынхаа  үүдний өрөөнд ороод, ямар нэг зүйл дутаад байх шиг байгааг анзаарч,  тэгээд комбинезон өмссөн гурван үл таних этгээд төгөлдөр хуур аваад явчихсан байсныг удалгүй мэдсэн юм” гэж Италийн нэг зочид буудлын эзэн ярьжээ.  Зарим өрөөний дугаар алга болж, нэг шинэ зочин өрөөгөө олж чадахгүй байсан тухай өөр ажилтан  хэлсэн байна.
Зальцбург хотын нэг зочид буудлын сауны нарсан тавилга алга болж, ингэснээр нэг зочин сууж амрах газар алга хэмээн гомдоллож байжээ.
Алчуур болон банны халаад хамгийн их хулгайлагддаг нь өмнө нь явуулсан нэг ийм судалгааны дүнгээс харагдсан байна. Харин өлгүүр, бичгийн хэрэгслийг нэг их тоодоггүй ажээ.
Энэ оны намар явуулсан судалгаанд европын, голдуу Герман, Итали, Австрийн 1157 зочид буудал хамрагдсан байна. Тухайлбал, дөрвөн одтой зочид буудлын 634 эрхлэгч, түүнчилэн таван одтой зочид буудлын 523 эзэнд асуулга тавьжээ.
Б.Атар