Меган Маркл, хунтайж Харри хоёр “Instagram”-ын шинэ дээд амжилт тогтоожээ

Меган Маркл өөрийн нөхөр, Их Британийн хунтайж Харригийн хамт “Instagram” хуудас нээгээд эхний 5 цаг 45 минутад сая дагагчтай болон шинэ дээд амжилт тогтоосон тухай “Sky News” мэдээлж байна.

“Instagram”-ын өмнөх дээд амжилтыг Солонгосын дуучин Кан Даниэл тогтоож, 11 цаг 36 минутад сая дагагчтай болж байсан аж. Харин түүнээс өмнө Ромын хамба лам Франциск 12 цагийн дотор сая дагагчтай болсон гэнэ.

Одоогийн байдлаар Меган Маркл, хунтайж Харри хоёрын “Instagram”-ын хуудас гурван сая гаруй дагагчтай болж эхний пост нь сая гаруй “like” цуглуулжээ.

Б.Туг